آلنیما گئدیش یازیرام

و دیلینیزدن آلیرام آدیمی.

گله جک مارشی آیاق گؤزلرینیزده چالینیر.

دوغوش گئییمیم اینیمده،

ـ دوم دورو

دیم دیک

         (ـ اینامدان یالاندان اوزاق ـ)

ایگیدلیییم اوینانیر باخیشلار اؤزگه لییینده.ـ

اوپون منی

و توپورون آردیمجا

ایچینیزده قانایان آغریلاری.

قالسام دونه جه یم.

اؤلسم

    سون سوزدور شهادتیم

                                 "و العصر" ،

                                 ایندی اینسان

                                یالنیزلیغینین آجیسینی آغلاییر.

هر شئیین اورتاسیندا یاشانیر اوجقار.
باشلان!
داها سیلینن سینیرلاریمدا اوشاقلیغیم ایتمیر
قورخو سانجی چیله میر قابیرغالاریما
باخیملی باتیرام بوتونلویومه!

سونوج
یاناقلاریما اوزانان کؤلگه دیر
و سن
هر شئیین اورتاسیندا یاشادیرسان
                                          _  اوجقارلیغیمی _
                                                                      .

     اینسانلیغی بوغاز بوغاز اودخونوش

        و اؤزگورلویو،

      دار کوچه لرین کئچیدینه: - شوعار... .

       آنلاشیلماسا دا نه فرق ائدر،

      ایشله ین یارا سوروملوغودور آرزولاریما.

                     (ـ آغریلارینی ایچیمه دیدیرـ)

         اته ییم،

             آلمالیق سنفونییاسینین آلدانیش نوتو.

            یاشیلدان باشارماغا دوغرو هئرمونوگییا.

             جننت له جهننم آرا امنیت.

      و یولون

                اوچوش نؤقطه لریله سئویشن اؤزگه دیر

                                                                    منده کی.

بیر ایچیم ایشیق دئییل

سوزوب گئدجک کیمی بارماقلاریم یانغینلیغیندان.

یالنیزچیلیقدان آیدین

دوداق دوداق گووه­رمیش سؤزجوک­لرین آنلامی

و هر شئی

اؤز یولونون

گئدر گئتمز یانلیشیندا دوراق.

یاساقدیریا

سویله­سنه!

بوداش

بودووار

بو سن

بو یاماجلیغیمدان آسیلمیش اینام

بو سوسغونلوغومو آددیملایان دلی­لیک

بو اونوتدوغوم وارلیغین اوچورومو...

بیر آغیز یالان کیمی

اؤلدورولن­لر بوینونا یازیلمیش

-باغیشلانمایان سوچ-.

هر شئی گوزه­لدیرسه

لعنت اولسون.

دوشونمه­دیییم قده­ر.

                                ۸ مارت ، دونیا قادین لار گونو قوتلو اولسون

  اوتانج-

   یارانی باغیردیغیم درینلیک

   یارامازلیقدیر،

    آینادان دولو ایگیدلیییمه.

    -کیشی­لیییندن ایراق-

    بوتونلویوم آغیزلاریندا کؤپوک­له­نیر،

     و آیدیندیر! -

    توپوره­سی یول­لار وار منده اونلار اوچون.

    -غیرت­لرینه

                  دوغرام دوغرام گؤلومسه­ییرم-.

     *

    بویالی آلدانیش...-آنا--------م!

    ناموسلوغومو  آدینا  توپورورم...

   (تاریخیمی_____

                         سنینله غارت ائتدیلر.)

پوزولمایاجاق

قوتسال لعنت­لرین اوجا آلنیندان

و تام اورتامدان دلینه­جک اینسان.

                 ( -اینتیحارلا دؤزومون

                                             چات چکیسینده.- )

دورومونا اینام یوخلوغودور،

تک لیک چییین­لرینه اوجالماغی

و سئوگی،

سون دیرنیش

سون کؤپوک...

                 موتلولوغونو،

                    دیه­ر یونگوللویونه یالواریر.

اوووف.

       اینسان٫

      یالان­لار باجاریغیدیر

       اوجالیق­لارا دوغرو.

             "شعر وارلیغین ائوی­دیر"-ین ایکینجی جیلدی تبریزده یاییلدی.

                      «فلسفه» میزین «دیل» آچماسی

...بئله بیر دورومدا، "فلسفه"میزین "دیل" آچماغینا کیمسه سئوینمه­یه بیلمز. ان ماراقلی­سی بودور کی، بو دیل "شعر" سؤزجویویله آچیلیب، ایلک جومله­سینده "شعر وارلیغین ائوی‌دیر" دئییبدیر!

 ....                         

گوناه­سيزليق جهننميندن قورتولوش

و اينسانليق سئوينجينه سبب سئوگين.

                       -اينسانا دؤزدويوم درين­لييه رغمن- .

سن

     وارليغا سيچرايان ايشيق درين­لييي.

                             باتقين ديل­لريمين دانيشان سندي.

                                   اؤيكولره باغيرمالي حماسه. 

                                          و غورور يؤنه­ليشينين اوغورلو سونو....

یاستیغا پیچیلدانان قارانلیغیمی

دانیر یوخلوغون

و دردیمه اوزانیر شهید یارالار.

 ...

باغیریش بوغازیدیر یاشام.

ایناما قاپیلان آلدانیش.

و اینسان

دیه­ر دردیدیر سئوگیلیم

موتلولوغو دیش­لرینده یامسیلاییر.