RSS  

     اینسانلیغی بوغاز بوغاز اودخونوش

        و اؤزگورلویو،

      دار کوچه لرین کئچیدینه: - شوعار... .

       آنلاشیلماسا دا نه فرق ائدر،

      ایشله ین یارا سوروملوغودور آرزولاریما.

                     (ـ آغریلارینی ایچیمه دیدیرـ)

         اته ییم،

             آلمالیق سنفونییاسینین آلدانیش نوتو.

            یاشیلدان باشارماغا دوغرو هئرمونوگییا.

             جننت له جهننم آرا امنیت.

      و یولون

                اوچوش نؤقطه لریله سئویشن اؤزگه دیر

                                                                    منده کی.

بیر ایچیم ایشیق دئییل

سوزوب گئدجک کیمی بارماقلاریم یانغینلیغیندان.

یالنیزچیلیقدان آیدین

دوداق دوداق گووه­رمیش سؤزجوک­لرین آنلامی

و هر شئی

اؤز یولونون

گئدر گئتمز یانلیشیندا دوراق.

یاساقدیریا

سویله­سنه!

بوداش

بودووار

بو سن

بو یاماجلیغیمدان آسیلمیش اینام

بو سوسغونلوغومو آددیملایان دلی­لیک

بو اونوتدوغوم وارلیغین اوچورومو...

بیر آغیز یالان کیمی

اؤلدورولن­لر بوینونا یازیلمیش

-باغیشلانمایان سوچ-.

هر شئی گوزه­لدیرسه

لعنت اولسون.

دوشونمه­دیییم قده­ر.

                                ۸ مارت ، دونیا قادین لار گونو قوتلو اولسون

  اوتانج-

   یارانی باغیردیغیم درینلیک

   یارامازلیقدیر،

    آینادان دولو ایگیدلیییمه.

    -کیشی­لیییندن ایراق-

    بوتونلویوم آغیزلاریندا کؤپوک­له­نیر،

     و آیدیندیر! -

    توپوره­سی یول­لار وار منده اونلار اوچون.

    -غیرت­لرینه

                  دوغرام دوغرام گؤلومسه­ییرم-.

     *

    بویالی آلدانیش...-آنا--------م!

    ناموسلوغومو  آدینا  توپورورم...

   (تاریخیمی_____

                         سنینله غارت ائتدیلر.)

پوزولمایاجاق

قوتسال لعنت­لرین اوجا آلنیندان

و تام اورتامدان دلینه­جک اینسان.

                 ( -اینتیحارلا دؤزومون

                                             چات چکیسینده.- )

دورومونا اینام یوخلوغودور،

تک لیک چییین­لرینه اوجالماغی

و سئوگی،

سون دیرنیش

سون کؤپوک...

                 موتلولوغونو،

                    دیه­ر یونگوللویونه یالواریر.

اوووف.

       اینسان٫

      یالان­لار باجاریغیدیر

       اوجالیق­لارا دوغرو.

             "شعر وارلیغین ائوی­دیر"-ین ایکینجی جیلدی تبریزده یاییلدی.

                      «فلسفه» میزین «دیل» آچماسی

...بئله بیر دورومدا، "فلسفه"میزین "دیل" آچماغینا کیمسه سئوینمه­یه بیلمز. ان ماراقلی­سی بودور کی، بو دیل "شعر" سؤزجویویله آچیلیب، ایلک جومله­سینده "شعر وارلیغین ائوی‌دیر" دئییبدیر!

 ....                         

گوناه­سيزليق جهننميندن قورتولوش

و اينسانليق سئوينجينه سبب سئوگين.

                       -اينسانا دؤزدويوم درين­لييه رغمن- .

سن

     وارليغا سيچرايان ايشيق درين­لييي.

                             باتقين ديل­لريمين دانيشان سندي.

                                   اؤيكولره باغيرمالي حماسه. 

                                          و غورور يؤنه­ليشينين اوغورلو سونو....

یاستیغا پیچیلدانان قارانلیغیمی

دانیر یوخلوغون

و دردیمه اوزانیر شهید یارالار.

 ...

باغیریش بوغازیدیر یاشام.

ایناما قاپیلان آلدانیش.

و اینسان

دیه­ر دردیدیر سئوگیلیم

موتلولوغو دیش­لرینده یامسیلاییر.

دانيلمايان يوخلوغوما ايناد

باغريما بوكه­جه­يم

نه سني

نه تانريني.

و آسيلديغيم هر آندان باغيراجاغام

بوغولماغا سوسموشلوغوم

آديما اؤلوم

و اؤزگه­ليك،

آچيخلانماميش ايشيق­ليق­دير...

                                 (هله ده)

تبسسسوم كؤلگه­سي.

آلنيما چاتمايان ال لره يازيق :

اؤلكه­ليييمي سينير سينير پوزاجاغام

نه سني

نه تانريني

ائله كي دونيا اؤز سطيرسيزلييينه پيچيلداديغي تاريخ دوزه­ني.

 ¤¤¤

عوصيان و اينسان

 بويونا و بوينونا

 گله­سي حق دئيه گلديم.

                                  (هله كي)

فاجيعه گؤزه­ل­لييي­.

¤¤¤

آديم قيسا سؤزجوك­دور

وارليغين درين بوغازيندا سسله­نير

و دؤورون داماغيندا تنقيده چكيلن سؤموك­لريم

                                                  شعر آدلاناجاقدير.

 بياض گلين­لييي گييه­جه­يم ساراي.

 قان چيچك­لري بارماق­لاريمدا ازيلميش­لر

كيمي

 يوموروغوم كؤكسوم اوسته،

 و باغريمدا فيرلانان هاوالي بير باش...

 "اليمدن توتماسين­لار" دئيه،( سنين عشقينه).

 ديللريمده سوسولان بوتون توركولرله،

 اووجومدا سيخيلان آجي دويون­لرله،

 و آياق­لاريمدا يئري­ين دجيل قيزليغيملا؛

 اويناماق ايسته­سم..؟؟ دلي­لر كيمي!

 چيخيب گلمه­سن ده...

                    گلمه­سن ده....

 بياض گلين­لييي گييه­جه­يم ساراي.

 يوخ قارداش­لاريم

 دورت بير يانيما ساريلميش­لار كيمي

 "ائل­لر الينه ديمه­سين" دئيه ال­لريم...(سنين عشقينه)

 آما يوخ،

 سوچلويام ساراي.

 گؤزلرينه قييان بارماق­لار كيمي

 گؤزلرينه توخونمادان...

 و دوواق­سيز بير گلين،

 گؤزلرينده سني آغلاسا..؟؟

 گليب گؤرمه­سن ده...

                 گؤرمه­سن ده...

 بياض گلين­لييي گييه­جه­يم ساراي.

...

 سون دقيقه­لر.

 زامان قارانليغي چالير آيدينجا.

 بوتون لامپالار سؤنموش­لر كيمي.

 - سودان گلن قيز-(لار)لال ،

 گؤزلريمدن اؤپوب ده گئديرلر...( لال).

 دوم دورو بير ياتاقدي چاغلايير قارشيمدا...

 سون دقيقه­لر...،

 اؤرتوك­لر يئره توللانيرلار

  و...

 ساچلاريم

            يالنيز 

                سودا آچيلير...

                              سنين عشقينه.